منتديات مدرسة الزرقا الإعدادية بنات
منتدى مدرسة الزرقا الإعدادية بنات بإدارة الزرقا التعليمية
عزيزى الزائر / عزيزتى الزائرة
مسرحية أرنوب الحبوب (مسرحية أطفال) 23g




منتديات مدرسة الزرقا الإعدادية بنات
منتدى مدرسة الزرقا الإعدادية بنات بإدارة الزرقا التعليمية
عزيزى الزائر / عزيزتى الزائرة
مسرحية أرنوب الحبوب (مسرحية أطفال) 23g




منتديات مدرسة الزرقا الإعدادية بنات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى يخدم الطالبات والمجتمع المحلى
 
الرئيسيةرؤية المدرسة ورأحدث الصورالتسجيلدخول
مواضيع مماثلة
المواضيع الأخيرة
» خطة التطوير وضمان الجودة فى مجال المتعلم خلال العام الدراسى 2014 /2015
مسرحية أرنوب الحبوب (مسرحية أطفال) Empty8/12/2014, 7:18 am من طرف مصطفى يونس

» خطة التطوير وضمان الجودة فى مجال توكيد الجودة والمسالة خلال العام الدراسى 2014 /2015
مسرحية أرنوب الحبوب (مسرحية أطفال) Empty8/12/2014, 7:15 am من طرف مصطفى يونس

» خطة التطوير وضمان الجودة فى مجال المشاركة المجتمعية خلال العام الدراسى 2014 /2015
مسرحية أرنوب الحبوب (مسرحية أطفال) Empty8/12/2014, 7:12 am من طرف مصطفى يونس

» خطة التطوير وضمان الجودة فى مجال الموارد البشرية والماديو خلال العام الدراسى 2014 /2015
مسرحية أرنوب الحبوب (مسرحية أطفال) Empty8/12/2014, 7:08 am من طرف مصطفى يونس

» نظرة شاملة لفاعلية المؤسسة للعام الدراسى 2014/2015
مسرحية أرنوب الحبوب (مسرحية أطفال) Empty8/12/2014, 7:04 am من طرف مصطفى يونس

» السياق المؤسسى خلال العام الدراسى 2014/2015
مسرحية أرنوب الحبوب (مسرحية أطفال) Empty8/12/2014, 7:00 am من طرف مصطفى يونس

» نقاط القوة والضعف فى مجال الفاعلية التعليمية
مسرحية أرنوب الحبوب (مسرحية أطفال) Empty8/12/2014, 6:42 am من طرف مصطفى يونس

» نتائج التقييم الذاتى فى مجال المناخ خلال العام الدراسى 2014/2015
مسرحية أرنوب الحبوب (مسرحية أطفال) Empty8/12/2014, 6:36 am من طرف مصطفى يونس

» نتائج التقييم الذاتى فى مجال المنهج خلال العام الدراسى 2014/2015
مسرحية أرنوب الحبوب (مسرحية أطفال) Empty8/12/2014, 6:29 am من طرف مصطفى يونس

» نتائج التقييم الذاتى فى مجال المعلم خلال العام الدراسى 2014/2015
مسرحية أرنوب الحبوب (مسرحية أطفال) Empty7/12/2014, 11:18 pm من طرف مصطفى يونس

» نتائج التقييم الذاتى فى مجال االمتعلم خلال العام الدراسى 2014/2015
مسرحية أرنوب الحبوب (مسرحية أطفال) Empty7/12/2014, 2:32 pm من طرف مصطفى يونس

» مقترحات لخطط ضمان الجودة للعام الدرسى 2014/2015
مسرحية أرنوب الحبوب (مسرحية أطفال) Empty7/12/2014, 2:27 pm من طرف مصطفى يونس

» نقاط القوة والضعف فى مجال القدرة المؤسسية
مسرحية أرنوب الحبوب (مسرحية أطفال) Empty7/12/2014, 7:24 am من طرف مصطفى يونس

» نتائج التقييم الذاتى فى مجال ضمان الجودة والمسالة خلال العام الدراسى 2014/2015
مسرحية أرنوب الحبوب (مسرحية أطفال) Empty7/12/2014, 7:15 am من طرف مصطفى يونس

» نتائج التقييم الذاتى فى مجال المشاركة المجتمعية خلال العام الدراسى 2014/2015
مسرحية أرنوب الحبوب (مسرحية أطفال) Empty7/12/2014, 7:11 am من طرف مصطفى يونس

» نتائج التقييم الذاتى فى مجال الموارد البشرية والمادية خلال العام الدراسى 2014/2015
مسرحية أرنوب الحبوب (مسرحية أطفال) Empty7/12/2014, 7:06 am من طرف مصطفى يونس

» نتائج التقييم الذاتى فى مجال القيادة والحوكمة خلال العام الدراسى 2014/2015
مسرحية أرنوب الحبوب (مسرحية أطفال) Empty7/12/2014, 7:02 am من طرف مصطفى يونس

» نتائج التقييم الذاتى فى مجال الرؤية الرسالة خلال العام الدراسى 2014/2015
مسرحية أرنوب الحبوب (مسرحية أطفال) Empty7/12/2014, 6:58 am من طرف مصطفى يونس

» أدوات جمع البيانات خلال العام الدراسى 2015/2014
مسرحية أرنوب الحبوب (مسرحية أطفال) Empty7/12/2014, 6:55 am من طرف مصطفى يونس

» خطة دراسة التقييم الذاتى للعام الدراسى 2014/2015
مسرحية أرنوب الحبوب (مسرحية أطفال) Empty7/12/2014, 6:48 am من طرف مصطفى يونس

بحـث
 
 

نتائج البحث
 
Rechercher بحث متقدم
مكتبة الصور
مسرحية أرنوب الحبوب (مسرحية أطفال) Empty
أفضل 10 أعضاء في هذا المنتدى
عبد العليم غزي
مسرحية أرنوب الحبوب (مسرحية أطفال) Vote_rcapمسرحية أرنوب الحبوب (مسرحية أطفال) Voting_barمسرحية أرنوب الحبوب (مسرحية أطفال) Vote_lcap 
مصطفى يونس
مسرحية أرنوب الحبوب (مسرحية أطفال) Vote_rcapمسرحية أرنوب الحبوب (مسرحية أطفال) Voting_barمسرحية أرنوب الحبوب (مسرحية أطفال) Vote_lcap 
د/آلاء ناصف
مسرحية أرنوب الحبوب (مسرحية أطفال) Vote_rcapمسرحية أرنوب الحبوب (مسرحية أطفال) Voting_barمسرحية أرنوب الحبوب (مسرحية أطفال) Vote_lcap 
لولا
مسرحية أرنوب الحبوب (مسرحية أطفال) Vote_rcapمسرحية أرنوب الحبوب (مسرحية أطفال) Voting_barمسرحية أرنوب الحبوب (مسرحية أطفال) Vote_lcap 
رانيا غزى
مسرحية أرنوب الحبوب (مسرحية أطفال) Vote_rcapمسرحية أرنوب الحبوب (مسرحية أطفال) Voting_barمسرحية أرنوب الحبوب (مسرحية أطفال) Vote_lcap 
فوزي الحديدي
مسرحية أرنوب الحبوب (مسرحية أطفال) Vote_rcapمسرحية أرنوب الحبوب (مسرحية أطفال) Voting_barمسرحية أرنوب الحبوب (مسرحية أطفال) Vote_lcap 
لوليتا غزى
مسرحية أرنوب الحبوب (مسرحية أطفال) Vote_rcapمسرحية أرنوب الحبوب (مسرحية أطفال) Voting_barمسرحية أرنوب الحبوب (مسرحية أطفال) Vote_lcap 
dina ghaly
مسرحية أرنوب الحبوب (مسرحية أطفال) Vote_rcapمسرحية أرنوب الحبوب (مسرحية أطفال) Voting_barمسرحية أرنوب الحبوب (مسرحية أطفال) Vote_lcap 
menna elmghraby
مسرحية أرنوب الحبوب (مسرحية أطفال) Vote_rcapمسرحية أرنوب الحبوب (مسرحية أطفال) Voting_barمسرحية أرنوب الحبوب (مسرحية أطفال) Vote_lcap 
محمد مصطفى
مسرحية أرنوب الحبوب (مسرحية أطفال) Vote_rcapمسرحية أرنوب الحبوب (مسرحية أطفال) Voting_barمسرحية أرنوب الحبوب (مسرحية أطفال) Vote_lcap 
الساعة والتاريخ
عدد زوار المنتدى

.: عدد زوار المنتدى :.

رؤية المدرسة

رؤيتنا إعداد طالبات متفوقات علميا يتسمن بالانتماء والوعى الدينى والصحى ومواكبة التطور فى ظل المشاركة المجتمعية

رسالة المدرسة

رسالة المدرسة : تسعى مدرستنا إلى :- التسلح بالعلم والاستفادة من التكنولوجيا الحديثة – تنمية روح التنافس للوصول إلى التميز – تأصيل روح المواطنة والانتماء – غرس الوازع الدينى والأخلاقى – توعية الطالبات صحيا وبدنيا – تنمية مهارات العمل الجماعى واتخاذ القرار - ربط المدرسة بالبيئة المحيطة والمجتمع

راديو القرآن الكريم
ميثاق شرف الطالبات

ميثاق شرف الطالبات : - أحرص أن أكون طالبة بمدرسه الزرقا الإعدادية بنات على نيل حقى فى تلقى تعليم جيد متميز ورعاية متكاملة وان أتمتع بممارسه الأنشطة المدرسية وذلك مقابل أداء ما على من واجبات تجاه مدرستى وان أحترم نظم المدرسة وقواعد السلوك القويم والتمسك بالأخلاق والقيم النبيلة ونتعهد نحن طالبات مدرسه الزرقا الإعدادية بنات بالآتى: • الالتزام بالأخلاقيات والسلوكيات. • الالتزام بقوانين الإدارة المدرسية . • الالتزام بأداء الواجبات داخل الفصل المدرسى. • الحرص على الحضور فى الميعاد يوميا بانتظام للمدرسة. • متابعه المدرسين داخل الفصل فى كل ما يوصون أو يقومون به والحرص الدائم على التفوق. • الالتزام بدفع المصروفات الدراسية ومساعده الزميلات الغير قادرات. • الحرص على تحقيق المشاركة الفعالة والأداء المتميز. • الالتزام بآداب الحديث مع السادة المدرسين والإدارة المدرسية. • الاهتمام بإحضار الأدوات المدرسية وبخاصة الكتب المدرسية. • المشاركة فى جميع الأنشطة المدرسية والحرص على التفوق فيها. • المساهمة فى حضور المسابقات التى تعقد داخل أو خارج المدرسة. • الحرص التام على نظافة المدرسة والمحافظة على ما تم انجازه داخلها. • المشاركة فى مجموعات التقوية داخل المدرسة من اجل الارتفاع بالمستوى الدراسى. • الحرص على عقد الندوات فى التوعية المجتمعية والدينية والصحية . • الالتزام بالتقويم الذاتى من اجل النهوض بالمستوى وتحسينه.


 

 مسرحية أرنوب الحبوب (مسرحية أطفال)

اذهب الى الأسفل 
4 مشترك
كاتب الموضوعرسالة
مصطفى يونس
Admin
مصطفى يونس


عدد المساهمات : 1695
نقاط : 3318
السٌّمعَة : 19
تاريخ التسجيل : 06/05/2009
العمر : 48
الموقع : bnatelzarka.yoo7.com

مسرحية أرنوب الحبوب (مسرحية أطفال) Empty
مُساهمةموضوع: مسرحية أرنوب الحبوب (مسرحية أطفال)   مسرحية أرنوب الحبوب (مسرحية أطفال) Empty26/9/2009, 9:18 pm


مسرحية أرنوب الحبوب (مسرحية أطفال)
(لغة الحوار / العامية الفلسطينية)
تأليف/ د.ضرغام جوعيه .
www.nosous.com
المكتبة الالكترونية للنصوص المسرحية


المشهد الأول



** يتكون العرض من مركبات فنيّة عديدة تشمل الغناء والموسيقى باشتراك الدمى إلى جانب الممثل الحي الذي يستعمل لباس الحيوانات والأقنعة ليعطي صورة تمثيلية إيهاميّة مؤثرة تغني عالم الطفل بالخيال والإلهام .



(يدخل دبدوب وهو يغني ، فيتجول ويرقص بين الأطفال المشاهدين)



دبدوب : صباح الخير

صباح النور

صباح الروضه والبستان

صباح الأطفال الحلوين ....... وين ما كان

وين ما كان



أغنيّة :
بدنا نحكيلكو حكايه حلوه كثير كثير
عن أرنوب الطيوب ياللي بدو يطير

يا سلام يا سلام ما أحلى صف البستان
والروضه فيها الحنان والأطفال وين ما كان
وين ما كان .... وين ما كان
يا سلام يا سلام يا سلام يا سلام
عندي قصه بحكيها للأطفال برويها
قصة أرنوب الحبوب في مدرستو محليها
محلّيها ؟؟..... أيّوه .. محلّيها ...

يا سلام يا سلام يا سلام يا سلام
يا سلام عالأطفال على الزهرة البريّه
إنتو نجوم مضوّية إنتو أمل البشريّه
يا سلام يا سلام
يا سلام يا سلام




(دبدوب يرقص ويغني ويتجول بين الأطفال . وفي نهاية الأغنية يسمع صوت الأم أرنوبه تنادي على ابنها أرنوب.)

أرنوبه : أرنوب ... يا أرنوب .. يما أرنوب ...

(دبدوب يأتي من الخلف ويلمس أرنوبه محاولا الحديث معها لكن أرنوبه تفاجأ وتجفل من الخوف فتحدث حركة مضحكة.)

الأم أرنوبه : مين ..؟ هذا انت ! موتني من الخوف .

دبدوب : وانت كمان خوفتيني بصياحك على الصبح . طيب ! صباح الخير خالتي أرنوبه وكيف حال جوزك أرنيبو وابنك أرنوب ؟

الأم أرنوبه : مبسوطين كثير كثير . بس لازم أنقول للأطفال الحلوين صباح الخير يا شاطرات ويا شاطرين ..

دبدوب : صباح صف البستان وصف الروضه والأطفال والمعلمات الحلوات والطيوبات..

الأم أرنوبه : طيب يا دبدوب لوين رايح وليش انت مش في المدرسة اليوم . ؟

دبدوب : انا طلبت إذن من معلمتي اروح على الدكانه حتى اشتري هديه لامي دبدوبه بمناسبة عيد الأم .

الأم أرنوبه : انت ولد شاطر يا دبدوب واكيد امك راح تفرح كثير بالهدية . بس عيد الأم بعد اسبوعين وانت بتغدر تشتري الهدية بعد ما تروّح من المدرسة .

دبدوب : صحيح .. بس انا راح اعمل مفاجأة حلوة لأمي دبدوبه عنشان هيك سمحتلي المعلمة اطلع لنصف ساعة عنشان امي ما تعرف بالهدية وبالمفاجأة .. بس ما تخبريها . طيّب ؟

الأم أرنوبه : ولا يهمك . لكن قلي : شفت ابني أرنوب ؟

دبدوب : ليش أرنوب مش في المدرسه ؟

أرنوبه : والله جنني هذا الولد ومش عارفه شو أعمل معاه . المفروض يذهب عالمدرسة . بس ما لبس ثيابه ولا حضّر حاله واختفى فجأه .لا بيسمع كلامي ولا على كلام أبوه ولا على معلمته وكل جياته مشاكل ...

دبدوب : لا ما شفتو بالمرة . يمكن راح كالعادة يلعب على الدراجه في الشارع .

الأم أرنوبه : لا مش ممكن ... طيّب شكرا يا دبدوب .

دبدوبه : الى اللقاء ست أرنوبه .. باي يا أطفال ..

الأم أرنوبه : (تنادي) أرنوب .. يما أرنوب (تتوجه للحمهور) يا شاطرين حدا شاف أرنوب .. بتعرفوه ؟ أرنوب صغير في صف البستان وإلو سنان من قدام واذنان طوال مثل الأرانب .. لازم ايروح عالمدرسه صارت الساعه تسعه ... أرنوب يا أرنوب (تبحث عن أرنوب بين الاطفال المشاهدين ومن ثمّ تخرج)

(موسيقى لنهاية المشهد )
الرجوع الى أعلى الصفحة اذهب الى الأسفل
https://bnatelzarka.yoo7.com
مصطفى يونس
Admin
مصطفى يونس


عدد المساهمات : 1695
نقاط : 3318
السٌّمعَة : 19
تاريخ التسجيل : 06/05/2009
العمر : 48
الموقع : bnatelzarka.yoo7.com

مسرحية أرنوب الحبوب (مسرحية أطفال) Empty
مُساهمةموضوع: المشهد الثاني :   مسرحية أرنوب الحبوب (مسرحية أطفال) Empty26/9/2009, 9:26 pm



المشهد الثاني :



(تستمر الموسيقى لثوان معدودة وتهيء لظهور أرنوب . يخرج أرنوب متلصلصا)

أرنوب : يا الله شو هلعلقه ... كل يوم مدرسه وكل يوم تعليم .. انا زهقت وبديش أروح عالمدرسه .. بديش .. بديش .. بديش ! بس شو العمل .. اليوم تخبيت في الخزانه وامي بتدّور عليّ .. شو أقول لأمي عنشان ما أروح عالمدرسه ... أنا زهقان وتعبان ..

(تدخل الأم غاضبة)

الأم أرنوبه : ليش بعدك في البيت؟ الساعة صارت تسعة ولازم تكون من زمان في المدرسة . المعلمة راح تسأل ويمكن تفكر اني انا امك أرنوبه اخرتك عن المدرسة... يالله بسرع أفرك أسنانك وغسّل والبس ومثل الطير على صف البستان..

أرنوب : يما .. يما ..!

الأم أرنوبه : نعم يما .. شو بدك ؟

أرنوب : أنا بديش أروح علمدرسه !

أرنوبه : يا عيب الشوم ! لازم تروخ علمدرسه مثل كل الأطفال .. سامع !

أرنوب : يما (يمد صوته بشكل تساؤلي مثير للضحك) ... ي..م..ا..

الأم أرنوبه : (بغضب) نعم يما ...

أنوب : يما ..؟ العصافير بتروح عالمدرسة ؟

الأم أرنوبه : (تغالب ضحكة تنفجر من فمها ولا تسيطر عليها ومن ثم تتوجه للأطفال المشاهدين)

شو رايكو يا شاطرين ويا شاطرات ؟ هل العصافير بتروح عالمدرسه ؟

(يجيبها الأطفال المشاهدين بالنفي)

شفت يما وسمعت شو جاوبوك الأطفال الشاطرين .

أرنوب : يعني العصافير ما بتروح عالمدرسة .

الأم أرنوبه : صحيح . العصافير ما بتروح عالمدرسية لأنها عصافير وبتطير . بس إحنا سكان الغابة منتعلم في المدرسة .

(أرنوب بفرح ويرقص من شدة التأثر)

أرنوب : ها ها .. ها هههههه

الأم أرنوبه : شو صابك وعلى شو مبسوط ؟

أرنوب : أنا بدي اصير عصفور عنشان ما اروح على المدرسه .

الأم أرنوبه : شو صابك ؟ انهبلت .. أرنوب ما بصير عصفور ..

أرنوب : انا بدي أصير عصفور ... بدي .. بدي ...

الأم أرنوبه : الأرنوب بيضل أرنوب والعصفور بيظل عصفور .. واسمع مليح : يا بتروح بسرعة عالمدرسة يا أنا بنادي لبوك عنشان يشوف حل معاك .. يا ارانيبو .. تعال شوف أرنوب ابنك ..

أرنوب : لا يما ما تنادي لأبوي ..

الأم : يالله بسرعة عالمدرسه .

أرنوب : (يتظاهر بالمرض) آخ بطني يما ... (يبكي) بطني بتوجعني .. ! آي !!

الأم أرنوبه : (بحنان) سلامتك يما .. سلامة قلبك ..

أرنوب : يما بطني بتوجعني كثير .. وبقدرش أروح على المدرسة .

الأم أرنوبه : هذا عنشان بتنام وانت متكشف .. أنا باخذك لعيادة المرضى لعند الدكتور مصطفي .

أرنوب : لا .. لا بديش أروح لعند الدكتور . أنا بخاف من الإبر وبحبش الدوا .

الأم أرنوبه : الدكتور مصطفي شاطر كثير وبعالجك ..

أرنوب : بديش ... لا .. أنا بدي أصير عصفور وبدي أطير مثل العصافير ..

الأم أرنوبه : (بغضب) وبعدين معاك !! أسمع ! يا بتروح عالمدرسه يا باخذك لعند الدكتور مصطفى .

أرنوب : (لوحده ويتوجه للأطفال المشاهدين ) إذا رحت لعند الدكتور مصطفى راح يعرف اني مش مريض . شو أعمل ؟ قولولي شو أعمل؟

الأم أرنوبه : (تنادي زوجها) يا أرنيبو .. ارنيبو !! تعال شوف ابنك أرنوب ..

أرنوب : خلص يما .. ما تناديش ابوي . أنا بروح عالمدرسه .. هياني رايح أغتسل والبس ثيابي . (يخرج أرنوب)

الأم أرنوبه : (تتوجه بحديثها الى الأطفال المشاهدين) شو رايكو يا شاطرين ويا شاطرات نغني مع بعض أغنية حلوة حتى يحضر أرنوب حالو ويروح عالمدرسه .

(يجيبها الأطفال بالإيجاب . أرنوبه تغني وترقص مع الأطفال)



أغنيه :
تك تك أرنوب صغير تك تك أجمل ما كان
تك تك كان في الحفله عم يقطف خوخ ورمان
معلمتي أحلى شمعه بتضوي في حارتنا
بتنمي فينا البركه والتسامح زينتنا
تك تك تك عا مدرستك وبسرعه غسّل وجهك
وما تنسى تودع بيّك وبوسه حلوه لامك
تك تك أرنوب صغير تك تك أجمل ما كان
تك تك كان في الحاره عم يلعب مع الجيران


الرجوع الى أعلى الصفحة اذهب الى الأسفل
https://bnatelzarka.yoo7.com
مصطفى يونس
Admin
مصطفى يونس


عدد المساهمات : 1695
نقاط : 3318
السٌّمعَة : 19
تاريخ التسجيل : 06/05/2009
العمر : 48
الموقع : bnatelzarka.yoo7.com

مسرحية أرنوب الحبوب (مسرحية أطفال) Empty
مُساهمةموضوع: المشهد الثالث   مسرحية أرنوب الحبوب (مسرحية أطفال) Empty26/9/2009, 9:33 pm



المشهد الثالث :



(في صف البستان قبل ان تدخل المعلمه)

فرفور : أنا اليوم فقت بكير وساعدت امي على تنظيف غرفتي . وبعدين اغتسلت وفركت سناني واسرعت على المدرسة .

(تدخل بسبوسه)

بسبوسه : صباح الخير فرفور ..شو كل يوم بتسبق الجميع على المدرسة .

فرفور : طبعا لأني بنام بكير وبفيق بكير وبقوم بكل الواجبات .

بسبوسه : انت مجتهد كثير يا فرفور والمثل بيقول " نام بكير وفيق بكير وشوف الصحة كيف بتصير .

فرفور : شو اشتريت لإمك هديه ؟ لإني حضرت لإمي هديه حلوه كثير ..

بسبوسه : شو المناسبه يا فرفور ؟

فرفور : كنك مش عارفه ؟ عيد الأم قرّب ولازم نحضر للماما هديه .

بسبوسه : انت دايما بتسبق يا فرفور . العيد بعدلو اسبوعين وبكير على الهديه ..

فرفور : أنا اشتريت لإمي بلاوزة وجزان وكمان يوم العيد بشتريلها باقة ورد .

بسبوسه : أنا وأخوي بسبوس اتفقنا نشتري لإمي فستان حلو كثير والبابا راح يساعدنا في ثمنه .

(تدخل المعلمة - " شخصية المعلمة في هذا المشهد حقيقية بعكس باقي الشخصيات التي من المفضل أن تكون دمى)

المعلمة : صباح الخير يا شاطرين .

فرفور وبسبوسه : صباح النور معلمتي ، اشتقنالك كيف انت

والله غيرك ما النا

انت الشمعه المضويه بتذوب شويّه شويّه

حتي تضوي علينا منصير زيك انت



المعلمه : شكرا .. شكرا يا حلوين ، واليوم عارفين عن شو موضوعنا .

(بسبوسه وفرفور يتسابقان للإجابة)

فرفور : أنا معلمتي

بسبوسة : أنا .. أنا ..

المعلمة : إحكي يا فرفور !

فرفور: درسنا اليوم عن نظافة الأسنان .

المعلمة : صحيح وأكيد انتو شاطرين ومجتهدين . بس وين أرنوب ؟

بسبوسه : أرنوب كعادتو بيجي متأخر .

(يدخل أرنوب)

أرنوب : صباح الخير .

المعلم : صباح النور أرنوب . ليش جاي اليوم متأخر ؟

أرنوب : أنا متأسف معلمتي . أنا كنت مريض اليوم وبطني بتوجعني .

المعلمة : سلامتك يا أرنوب . بس انت كل يوم بتتأخر وبتقول نفس العذر .

فرفور : معلمتي ! ما تصدقيش ! لأنو أرنوب بكذب وما بقول الحقيقة .

أرنوب : انت اسكت ما خصكش وبعدين انا بفرجيك !

بسبوسه : شو هالحكي يا أرنوب . عيب عليك .

أرنوب : وانت كمان ما خصكش. وبعدين رجعيلي فرشاة الأسنان اللي سرقتيها مني.

بسبوسة : هاي الفرشاة إلي واشتريتها من الدكانة إمبارح .

أرنوب : (يصيح) هاي إلي وانت سرّاقة ! رجّعيها قبل ما أضربك على وجهك .. يالله بسرعة (بغضب)

بسبوسة : (تبكي) هاي إلي .. (تنادي) معلمتي ...

المعلمة : خلص ! سكوت ! وانت يا أرنوب ممنوع تحكي هيك مع اصدقائك . وفرشاة الأسنان لبسبوسه لأني أنا كتبت اسمها عليها امبارح !!!

أرنوب : يعني انت عارفه انها الفرشاة لبسبوسه .

المعلمة : طبعا عارفه .. وانت كان لازم تجيب معك فرشاتك .

أرنوب : أنا متأسف معلمتي . ومعدتش أعيدها.

المعلمة : طيب والآن ننتقل الى موضوع الدرس .

يا شاطرين ويا شاطرات نظافة الأسنان مهمة جدا لأنه كل يوم في الصباح وقبل النوم لازم ننظف الأسنان حتى لا تهاجمها الجراثيم والسوس إللي بتسبب ضرر للأسنان ورائحة كريهة للفم .

أرنوب : وشو هاي الجراثيم والسوس يا معلمتي .

المعلمة : الجراثيم والسوس هي حشرات صغيرة جدا وما وبتهاجم اللثة والأسنان عنشان توكل بقايا الطعام اللي بتعلق بين الأسنان . بعد ما تأكل بقايا الطعام تهاجم الأسنان وتحفر بيوتها في الأسنان . فتسبب الوجع الشديد وبتتلف الأسنان . عنشان هيك لما منظفها بالفرشاة والمعجونه منقضي على السوس والجراثيم ومنحافظ على النظافة وصحة أسنانا .

بسبوسة : انا كل يوم بنظف أسناني .

فرفور : وأنا كمان لأنه الفئران بحافظو على اسنانهم صحيحة وقوية عنشان نقطع الجبنة ونوكلها .

أرنوب : أنا اليوم قبل النوم بدي أفرك أسناني بالفرشاة .

المعلمة : طيب يا شاطرين ! شوفو معاي كيف منظف أسنانا بالفرشاة .

(تشرح لهم المعلمة عملية تنظيف الأسنان عمليا بالفرشاة والمعجونة وهي تغني وترقص على نغمات أغنية تتناول الموضوع)



أغنيه :
بفيق الصبح بكير إلي بيتأخر كسلان
بغسل بالصابونه كثير وبعصر معجون الأسنان
بفرك بفرك بالفرشاه
حتى أسناني تصير مرآه
يا ألله ما أحلاها ريحة فمي نعناعه
أنظف مني ما بصير وأوقاتي على الساعه
بفرك بفرك بالفرشاه
حتى اسناني تصير مرآه
لاتنسى تمشط شعرك وتنظف تحت ظفرك
خلي جسمك يتحرك بالرياضه عالأوزان
اسرع واحمل محفضتك واتمشى عامدرستك
ولما تشوف معلمتك صبحها بخير الرحمان




الرجوع الى أعلى الصفحة اذهب الى الأسفل
https://bnatelzarka.yoo7.com
مصطفى يونس
Admin
مصطفى يونس


عدد المساهمات : 1695
نقاط : 3318
السٌّمعَة : 19
تاريخ التسجيل : 06/05/2009
العمر : 48
الموقع : bnatelzarka.yoo7.com

مسرحية أرنوب الحبوب (مسرحية أطفال) Empty
مُساهمةموضوع: المشهد الرابع   مسرحية أرنوب الحبوب (مسرحية أطفال) Empty26/9/2009, 9:43 pm



المشهد الرابع :



(دبدوب لوحده في الغابة . يقف أمام المنصة)

دبدوب : تعبت اليوم كثير لأني ساعدت أمي وأبوي في جني العسل ا . نحن الدببه منحب العسل كثير ، وانتم تعرفون بأن النحل يصنع العسل . والنحل يعيش في بيوت خاصة يبنيها في جذوع الأشجار الكبيرة أو داخل الصخور . ذهبت البارحة أنا وأمي وأبي إلى الغابة وبحثنا عن العسل طول اليوم . وبعد ما دوّرنا كثير شفت قفير نحل في أعلى الشجرة . جرب أبوي يصعد ولكنه لم يستطع لأنه ناصح وكبير وكمان أمي ما قدرت . وفي النهاية وضع أبي يديه على جذع الشجرة فصعدت أمي على كتفي أبي وصعدت أنا على كتفي أمي وأخرجت العسل من داخل القفير ولكن النحل هاجمني وقرصني في يدي وجسمي .. آي .. بيوجعني ..

(يسأل الأطفال المشاهدين) وانتو يا شاطرين ويا شاطرات بتساعدو أهاليكم في شغل البيت ؟ (يجيبه الأطفال بالإيجاب ويستمر في الحديث معهم عن الأشياء التي يساعدون بها الأهل) .

(يطل رأسه أرنوب من وراء منصة الدمى خلال حديث دبدوب مع الأطفال . ثم ينتقل من موقع إلى آخر على المنصة .)

أرنوب : ها ها هههه هذا أنا أرنوب .

دبدوب : شو بتريد ؟

أرنوب : لوين رايح يا دبدوب ؟

دبدوب : أنا رايح على الغابة ألعب مع أصدقائي .

أرنوب : تعال إلعب معي .

دبدوب : لا أنا بلعبش معاك لإنك مشاغب .

أرنوب : وانا بديش ألعب معاك لأنك كبير وناصح وأنا صغير ونغنوش .

دبدوب : أنا صحيح كبير وناصح بس دمي خفيف ونغنوش مش مثلك صغير ودمك ثقيل .

أرنوب : دبدوب .. (يمد في صوته) دب.. دوب !

دبدوب : نعم ! خير انشالله ؟

أرنوب : أنا زهقت أكون أرنوب وزهقت كل يوم أروح عالمدرسة .

دبدوب : وشو أعملك أنا ؟

أرنوب : انا بدي أصير عصفور عنشان أطير وأشوف الدنيا وما أرحش على المدرسة .

دبدوب : كنك انجنيت ! الأرنوب بيضل أرنوب والعصفور بيضل كمان عصفور .

أرنوب : أنا بدي أطير زي العصافير .

دبدوب : هذا مستحيل لأنه الله خلقك بس أرنوب .

أرنوب : انت يمكن بتعرف مين ممكن يعلمني أطير زي العصافير . يالله ساعدني يا دبدوب ، وأنا بعطيك عسل من اللي بتحبه .

دبدوب : هذا انت انجنيت . تأروح اللعب مع أصدقائي . (يضحك بسخرية)

(يخرج)

أرنوب : (لوحده) أنا بدي أطير زي العصافير .. بدي أطير زي العصافير .. لما بطير بدور في السما على كل الدنيا وبشوف الغابة والبحر والجبال .. بس كيف بيطيرو ؟ ومين بيعلمني الطيران .. ؟ لآزم أبحث في الغابه ...

(يخرج)



الرجوع الى أعلى الصفحة اذهب الى الأسفل
https://bnatelzarka.yoo7.com
مصطفى يونس
Admin
مصطفى يونس


عدد المساهمات : 1695
نقاط : 3318
السٌّمعَة : 19
تاريخ التسجيل : 06/05/2009
العمر : 48
الموقع : bnatelzarka.yoo7.com

مسرحية أرنوب الحبوب (مسرحية أطفال) Empty
مُساهمةموضوع: المشهد الخامس   مسرحية أرنوب الحبوب (مسرحية أطفال) Empty26/9/2009, 9:50 pm

المشهد الخامس :



(تظهر الفراشه وهي ترقص وتغني)

يالله ما أحلاني مثل الورده ألواني
الأحمر زهر الرمان بلبس منه فستاني
يالله ما أحلاني يا ألله ما أحلاني
أنا بنت الطبيعه فراشه صغيره وبديعه
أنا بحب الأطفال فراشه حلوه واديعه
يالله ما أحلني يالله ما أحلني
جنحاني بتحملني بعيد فوق السهل والوادي
بتمشى بين الغيمات وبلعب مع الأولادي
يالله ما أحلاني ربي من كرمه اعطاني
لبسني أحلى فستان فيّو كل الألواني
يا لله ما أحلاني يالله ما أحلاني




الفراشة : أنا اسمي الفراشه غندوره وأنا بحب اللعب وبحب الأطفال . وكل يوم بزور أصدقائي الحيوانات وبلعب معهن في الغابة وكمان بحب الزهور والأشجار .

أرنوب : بيكفي نط وغنى ورقص . شو صابك كنك انهبلت .

الفراشة : ليش يا أرنوب ؟ كنك ما بتحب الغناء ؟

أرنوب : شو خصك شو أنا بحب ؟

الفراشة : ليش زعلان يا أرنوب ؟ إهدأ شوي حتى أفهم عليك .

أرنوب : أنا بدي أصير عصفور عنشان أطير في السما وما أروح عالمدرسة .

الفراشة : هذا مستحيل يا أرنوب لأنه الله خلقك أرنوب والأرنب ما عنده جنحان حتى يطير !

أرنوب : (ينادي) فراشه .. غندوره !

الفراشة : شو بدك ؟

أرنوب : اقتربي مني .. بدي احكي معك !

الفراشة : إحكي معي من بعيد لأني بخاف .

أرنوب طيب ! (يفكر) أعطيني جنحانك حتى أطير !

الفراشة : مستحيل لأنه جنحاني جزء من جسمي وإذا أعطيتك إياهم بموت .

أرنوب : أنا بدي أطير ! يني لازم أطير .

الفراشة : مستحيل ومش ممكن ! انت الله خلقك أرنوب ووظيفتك تكون شاطر ومؤدب وتساعد أصدقاءك وتسمع كلام امك وأبوك ومعلمتك ...

أرنوب : بلا فلسفه وكلام فاضي ..! أنا بدي أطير (بغضب وبتهجم) أعطيني جنحانك بسرعة وإلاّ بضربك .. (يصرخ)

الفراشة : (تبتعد من الخوف) حرام أنا يا أرنوب ! وبعدين انت لازم تغيّر من تصرفاتك وتكون متسامح وما تستعمل العنف والمشاغبه .

أرنوب : أعطيني الجنحان .. (يتعثر ويقع بينما تبتعد الفراشة وتطير) آي إجري ..

الفراشة : (وهي تبتعد) انت شقي ومشاغب يا أرنوب ,انا ما عدتش ألعب معاك ولا أحكي معاك .. بس أنا متسامحة وبقولك سلامتك من الوقعة . (تخرج)

أرنوب (لوحده) آي إجري .. بتوجعني كثير .. لو كنت عصفور وطرت في السما ما كنت وقعت على الأرض وجرحت إجري ... (يقفز ويصرخ) أنا بدي أطير زي العصافير (يكرر الجملة ويخرج من المنصة)
الرجوع الى أعلى الصفحة اذهب الى الأسفل
https://bnatelzarka.yoo7.com
مصطفى يونس
Admin
مصطفى يونس


عدد المساهمات : 1695
نقاط : 3318
السٌّمعَة : 19
تاريخ التسجيل : 06/05/2009
العمر : 48
الموقع : bnatelzarka.yoo7.com

مسرحية أرنوب الحبوب (مسرحية أطفال) Empty
مُساهمةموضوع: المشهد السادس   مسرحية أرنوب الحبوب (مسرحية أطفال) Empty26/9/2009, 10:09 pm

المشهد السادس :



(دبدوب يغني أمام المنصة بمشاركة الأطفال المشاهدين ويرافقه في الغناء بسبوسه

وفرفور)

أغنيه :
دبدوب بلعب في الغابه دبدوب زين الشبابه
هاي هاه ... هاي هاه
دبدوب حبيب الأطفال دبدوب في الغابه جوال
هاي ها .. هاي هاه
دبدوب حلو التسامح دبدوب نور التصالح
هاي هاي .. هاي هاي
دبدوب صديق الأطفال دبدوب بيربي أجيال
هاي هاه هاي هاه
هاي هاه هاي هاه




دبدوب : مرحبا فرفور .. شو ؟ بتلعب لوحدك في الغابة ؟!

فرفور : أنا هربت من أرنوب المشاغب ، لأنه بضايق الحيوانات وبضرهم .. : صحيح انه أرنوب بركض في الغابة وبضايق الأطفال .

دبدوب : مش بس هيك ! وكمان سمعت انه بدو يطير مثل العصافير. الظاهر انه انجن وبيضايق الحيوانات لانه ما حدا قادر يعلمه الطيران !

فرفور: وسمعت كمان انه ما حدا في الغابه بحكي معاه وما حدا بلعب معاه .

(يدخل أرنوب)

أرنوب : شو بتعملو هون .

فرفور : بنلعب في الغابه أنا ودبدوب .

أرنوب : بدي ألعب معكو .

فرفور . مش هيك بحكو الأطفال الشاطرين .

دبدوب: الأطفال الشاطرين بطلبو إذن وبقولو " اسمحولي ألعب معكم .

أرنوب : انتو بدكو تعلموني الحكي .. (بغضب) بدي ألعب يعني بدي ألعب .

فرفور : متأسف ! أنا ما بلعب مع أطفال مشاغبين وبعدين أنا ما بدي أحكي معك لأنك وقح .. أنا رايح على البيت . باي دبدوب (يخرج)

دبدوب : وانا كمان ما بدي ألعب معاك ولا أحكي معاك لأنك مشاغب وشقي ..

باي باي (يخرج)

أرنوب : (لوحده) بلاش ما تلعبو معاي .. أنا ما بهمني حدا ! بلعب لوحدي ... وما بدي حدا .. وبس اتعلم الطيران ما بعود يهمني إشي !! (ينادي بصرخ بصوت عال)

أنا بدي أطير زي العصافير .. بدي أطير زي العصافير ..

(يدخل الديك)

الديك : كو كو كوووو .. شو السيره ؟ لايش بتصرخ وبتصيح ؟ شو بدك ؟

أرنوب : أهلا دكدوك .. انت ديك حلو كثير .. شو إسمك ؟

(يغني له الديك)

الديك:



أغنيه :
أنا عندي ديك وبصيّح والله وسميته مصباح
من صوتو أنا مش متريح ملىّ كل الدنيا صياح
ملىّ كل الدنيا صياح
متباهي بريشه الخلاب عاملّي شيخ الشباب
والجاجات بتحبه عميتمختر في دربه
عاملّي شيخ الشباب
عاملّي شيخ الشباب
أنا عندي ديك وبصيّح والله وسميته مصباح
من صوتو أنا مش متريّح ملّى كل الدنيا صياح




أرنوب : ريشك حلو وجنحانك كبار .. لايش ما بتطير زي العصافير ..

الديك : ما في حاجه أطير لأني عايش ومبسوط مع الدجاجات في القن عند أبو صابر الطيب .

أرنوب : طيب إذا ما بدك إتطير أعطيني ريشاتك وجنحانك عنشان أطير . أنا بدي أصير عصفور وأطير ..

الديك : شو كنك انجنيت وانهبلت .. أنت أرنب والأرنوب ما بطير حتى لو ركبت جنحان .

أرنوب : بقلك بدي أطير وأعطيني بسرعة ريشاتك وجنحانك ..

الديك : ما بقدر يا صديقي لأني بموت بدون جنحان وبدون ريش .

أرنوب : والله بعضك إذا ما أعطيتني .. بسرعه يالله!

الديك : (يبتعد بخوف) لا .. ما بقدر ..

أرنوب أعطيني .. يالله بسرعه ! (يهجم عليه فيهرب الديك بعيدا)

الديك : (مبتعدا) لا .. لالا .. النجده ... ساعدوني .. أرنوب بتهجم عليّ ...

(يخرج الديك ويتبعه أرنوب )



(موسيقى صاخبة تعبر عن المطاردة يفضل استعمال الطبول ، الدفوف والصنوج)
الرجوع الى أعلى الصفحة اذهب الى الأسفل
https://bnatelzarka.yoo7.com
مصطفى يونس
Admin
مصطفى يونس


عدد المساهمات : 1695
نقاط : 3318
السٌّمعَة : 19
تاريخ التسجيل : 06/05/2009
العمر : 48
الموقع : bnatelzarka.yoo7.com

مسرحية أرنوب الحبوب (مسرحية أطفال) Empty
مُساهمةموضوع: المشهد السابع   مسرحية أرنوب الحبوب (مسرحية أطفال) Empty26/9/2009, 10:24 pm



المشهد السابع :



(الأم أرنوبه تبحث عن ابنها أرنوب)



الأم أرنوبه : (تنادي) أرنوب ... يا أرنوب ... أرنوب يمّا ..

(يظهر دبدوب)

دبدوب : شو السيره خالتي ؟

أرنوبه : روّحت الأولاد من المدرسة وأبني أرنوب بعدو ما رجع عالبيت . وأنا خايفه كثير عليه .

دبدوب : حقك تخافي عليه لأنه أرنوب ابنك كثير مشاكل ومشاغب .

أرنوبه : طيب ! شفتلي إياه يا دبدوب ؟

دبدوب : طبعا شفته .

أرنوبه : يالله ! بسرعه خبرني لأني قلبي انقطع من الخوف عليه .

دبدوب : أرنوب ابنك داير في الغابه وبيعمل مشاكل مع الحيوانات .

أرنوبه : خبرني يا دبدوب عن المشاكل اللي بيعملها أرنوب ابني؟

دبدوب : يا خالتي أرنوبه لازم تحطيلو حد لابنك أرنوب ! لأنه منجن وداير بالغابه يضايق الحيوانات وبدو يصير عصفور ويطير في السما .

أرنوبه : أنا فكرتو عمبيمزح في البدايه .

دبدوب : لا .. هو بيفكر هيك وداير في الغابه عنشان يتعلم يطير زي العصافير .

أرنوبه : شكرا يا دبدوب وأنا بعرف أربيه .

دبدوب : الى اللقاء خالتي أرنوبه .

(يخرج)

أرنوبه : ( لوحدها) أنا بفرجيك يا أرنوب يا أبو المشاكل . لازم ألاقيه قبل ما تعتم الدنيا . الصيادين كثار والحيوانات المفترسة ما بترحم وأرنوب صغير ما بيعرف يحافظ على حياته . (تنادي) أرنوب ... يما أرنوب ...

(تخرج)



المشهد الثامن:



(تدخل العصفورة إلى المنصة وهي تغني وترقص وتحاول كذلك إشراك الأطفال المشاهدين بالرقص والغناء . يفضل أن يمثل شخصية العصفورة ممثل حي يلبس ملابس ووجه عصفورة مما يعطيه مجال للتواصل مع الأطفال والسير أمام منصة الدمى وبين الجمهور) .



العصفورة : (تغني)
طيري يا عصفوره طيري عاسطوح الجيران
أنا بدي اصير بنت صغيره في صف البستان
بدي طير وعلّي عا شباك بعيد
حتى شوف النجم يصلي للفجر الجديد
بدي غني للأطفال واحمل أزهار وريحان
ونادي من أعماق القلب للباري الرحمان
يزيد الفرحة والبهجه والمحبه بين الناس
ويحمل إلفه وموده لكل الأجناس
طيري يا عصفورة طيري عاسطوح الجيران
بدي اصير بنت صغيره في صف البستان




(يدخل أرنوب)

أرنوب : شو مبسوطه كثير يا عصفورة ؟!

العصفورة : طبعا مبسوطه لأني بحب الناس والأطفال وبحمل الفرحه والبسمه لوين ما كان .

أرنوب : عنشان هيك مبسوطه ؟!

العصفورة : وكمان انا بحب الصداقه والتسامح وبساعد كل الحيوانات .

أرنوب : إسمعي وبلا كثرة حكي فاضي ! أنا بدي أصير عصفور مثلك عنشان أطير وأشوف الغابة من السما من فوق !

العصفورة : (تضحك) هذا مستحيل يا أرنوب لأنه الله سبحانه وتعالى خلقك أرنوب وبس ومستحيل تصير عصفور .

أرنوب : أنا بديش أكون أرنوب وبدي أصير عصفور وأطير .

العصفورة : انت يا أرنوب غلطان كثير لأنه الأرنوب حلو كثير وأنا بحب الأرانب الحلوين .

أرنوب : شو كنك مش فاهمه شو بقول ! أنا لازم أطير زي العصافير .

العصفورة : انت لازم تكون شاطر في مدرستك وتساعد امك وابوك واصدقاءك بدل ما تضوّع وقتك في المشاكل .

أرنوب : أنا بدي أطير وعنشان هيك أنا بحاجة لجنحان وريش مثلك . يالله أعطيني جنحانك وشوية ريش .

العصفورة : ما بقدرش .. لأني إذا أعطيتك ريشاتي وجنحاني بموت ، لأنهن جزء من جسمي وهيك الله خلقني .

أرنوب : أنا بهمنيش ! ولازم أطير ! وبدي الريشات والجنحان .. يالله .. تعالي لهون!

العصفورة : لا .. لا يا أرنوب .. ما تستعملش الضرب لأنه حرام أنا .. (تهرب)

أرنوب : (بصراخ) تعالي .. أنا لازم أمسكك .. وحالا .. (يحاول أن يمسك بها)

العصفورة : (تهرب) أنا الله خلقلي جنحان عنشان أهرب من المشاغبين والأشرار اللي زيك .. أنا هياني طايره بعيد عنك (تبتعد)

(تخرج العصفورة)

أرنوب : (لوحده) ما في حدا بدو يساعدني أصير عصفور وأطير .. .. بس لازم أطير زي العصافير ...

(يخرج أرنوب)



المشهد التاسع :



(يدخل دبدوب ومعه فرفور )

دبدوب يغني :
لا تضرب مش مليح هات ايدك والثانيه
أصدقاء ملااح منكون أصدقاء ملاح منكون
لا تغضب مش مليح هدّى بالك للآخر
المحبه حلوه كثير والصداقه يا شاطر
لا تضرب مش مليح هات ايدك والثانيه
أصدقاء ملاح منكون أصدقاء ملاح منكون




فرفور : صار لازم نلاقي حل لمشاكل أرنوب المشاغب .

دبدوب : طبعا ! وكل الأطفال بتضايقو من اعماله ولازم يتربى .

فرفور: مش كاين يتربى وما برد ولا بهتدي لا على كلام امه ولا ابوه ولا معلمته .

شو رايك الحل ؟

دبدوب : أنا سمعت كلامك والحل عندي أنا .

فرفور : كيف يا دبدوب .

دبدوب : حتى يبطل أرنوب شقاوه ومشاكل ويتعلم درس قاسي ويخاف على نفسه أحنا لازم ندبر ونخطط مقلب وحيله ذكيه. يعني نرتبلو مشكلة ونوقعو فيها حتى يتعلم درس ويبطل مشاكل .

فرفور : خبرنا بسرعه ! شو بتفكر تعمل لأرنوب .

دبدوب : أنا راح أتخفى وأتنكر بزي صياد وأمسك فيه . وأخوّفه حتى يتراجع عن المشاكل والشقاوة ويصير مليح وطيوب مثل كل الأرانب .

فرفور : والله هاي فكرة مليحه وذكيّه . يالله فرجينا كيف بدك تتخفى بزي الصياد .

دبدوب : هيك ... يالله شوف (يغطي نفسه بمعطف الصيادين ويضع على رأسه طاقيه)

فرفور: هذا أرنوب جاي من بعيد . يالله نمثل عليه ..

دبدوب : أنا بتخبى هون .. ولما بهجم انت بتنهزم وأنا بمسك أرنوب .. بس كون جدّي وما تضحك عنشان أرنوب يصدق وما يشك بالحيله .. يالله بسرعه ..

(يختبىء دبدوب)

(يدخل أرنوب)

أرنوب : شو بتعمل بالغابه ... وليش بدكش تلعب معي ..

فرفور: دير بالك يا أرنوب .. أنا مش عمبلعب ..أنا هارب من الصياد ..

أرنوب : خوفتني .. شو السيره ؟

فرفور : في صياد حامل برودة وبتصّيد الحيوانات الصغيره في الغابة .. هربنا منه..

أرنوب : خوفتوني كثير ... أنا ميت من الخوف ..

فرفور : الصياد بيحب لحمة الأرانب .

أرنوب : خلص ! أنا مت من الخوف .. بدي إمي ... بدي اروّح عالبيت .

فرفور : بسرعه أهربو ... هذا الصياد جاي من بعيد ..

(يحاول أرنوب أن يهرب فيعترضه فرفور)

فرفور : لا ... أهرب من هذه الطريق ...

(يحاول أرنوب الهروب من الجهة التي أشار إليها فرفور فيصطدم بالدب المتخفي بزي الصياد ويمسك به)

دبدوب : علقت يا أرنوب ... الليله بدنا نوكلك أنا وأولادي ...

أرنوب : لا .. لا الرحمه .. (يبكي) حرام أنا ...

دبدوب : شوفتك أرنوب ناصح .. وبدنا نطبخك مع الأرز واليخنة .

أرنوب : (يبكي) أنا بدي أمي ... يما .. أنا خايف .. رجعني لامي وشو بتريد بعمل وشو بتطلب يا عمي الصياد بنفذ ..

الصياد : شو ما بطلب منك بتنفذ وكمان بتعمل شو بقلك ؟!

أرنوب : بعمل شو بتريد بس ارحمني ورجّعني لامي ...

الصياد : أنا بدي تعطيني أذنيك الطوال عنشان أعطيهن لإبني الصغير لانه أذنيه صغار...

أرنوب : لا ... ما بقدر أعيش بدون أذنين ..

الصياد : طيب أعطيني رجليك السرعين عنشان أستعملهن وأصير سريع واتصيد جميع الحيوانات في الغابه .

أرنوب : لآ ... من شان الله ! أنا ما بقدر أعيش بدون أرجل .

الصياد : بس انت يا أرنوب حاولت توخذ من الفراشة جنحان وحاولت كمان توخذ من العصفور ومن الديك الجنحان والريش ولاحقتهن وضايقتهن ...

أرنوب : أنا كنت غلطان ومتأسف ومعدتش أعيدها ... خلص هاي آخر مرّه ...

الصياد : أنا بعفو عنك بس بشرط !

أرنوب : أنا موافق على شو ما تطلب .

دبدوب : بتبطل شقاوة وكثرة حركة وبتسمع كلامك امك وابوك .

أرنوب : خلص ! من اليوم أنا بطّلت شقاوة وراح اسمع كلام امي وأبوي وبس ارجع على البيت بتأسف لامي ..

دبدوب : وكمان لازم تبطل مشاكل وشقاوة في الصف وما تضرب أصدقاءك وأولاد صفك وترد وتسمع كلام معلمتك ..!

أرنوب : خلص التوبه ! ما عدتش اضرب حدا وكمان بتأسف لمعلمتي وراح أصير شاطر وأساعد أصدقائي .

دبدوب : وما تحاول تصير عصفور لانه الله خلقك أرنوب وبس أرنوب ..!

أرنوب : خلص بطلت أصير عصفور لأني أرنوب حلو وطيوب ..

دبدوب : خلص ! اقتنعت وندمت على أعمالك !!!

أرنوب : خلص ! التوبه 1 أنا اليوم أرنوب الطيوب

(تدخل الأم)

الأم : أرنوب ... يما أرنوب ... ليش ما رجعت عالبيت ؟

أرنوب : أنا متأسف يما على أعمالي السابقة وبوعدك اني اصير أرنوب شاطر وطيوب واسمع كلامك ..

أرنوبه : شو عامل بحالك دبدوب وليش لابس ملابس صياد ؟

دبدوب : حاولت أعلم أرنوب درس قاسي عنشان يبطل شقاوة ونجحت الخطة ..

أرنوب : يعني انت مش صياد ... آه انت دبدوب ...

الأم : شو الخطة وشو الحيلة اللي عملتها ؟؟

دبدوب : بعدين أرنوب بحكيلك بس المهم انه أرنوب تغيّر وصار شاطر ومؤدب .

أرنوب : الحمد لله انك دبدوب ومش صياد لأنه لو كنت صياد حقيقي ما كانت نهايتي هيك .. وأنا بوعدكو قدام الأطفال الحلوين اني أصير أذكى واطيب وأشطر أرنوب ..

دبدوب : وبهذه النهاية السعيدة بدنا نغني أغنية ..

أرنوب : أنا موافق .

(تظهر بسبوسه فرفور ويشتركون بالغناء)

أغنية النهاية :
يا أطفال يا حلوين انشالله تبقو مبسوطين
هاي قصتنا تمّت كلها افكار وحنين
يا أطفال يا حلوين
يا أطفال يا حلوين
لا تفرقه ولا تمييّز بين الغني والفقير
بين الأبيض والأسود بين القوي والصغير
يا أطفال يا حلوين يا أطفال يا حلوين
يالله يا عمو دبدوب خبرنا عن شو ما صار
عن أرنوب الحبوب والفراشه ست الدار
يا أطفال يا حلوين




النهــــــــــاية
تأليف / د.ضرغام جوعية
www.nosous.com
المكتبة الالكترونية للنصوص المسرحية






الرجوع الى أعلى الصفحة اذهب الى الأسفل
https://bnatelzarka.yoo7.com
ماجدة الهجرسى

ماجدة الهجرسى


عدد المساهمات : 131
نقاط : 322
السٌّمعَة : 0
تاريخ التسجيل : 13/06/2009
العمر : 28

مسرحية أرنوب الحبوب (مسرحية أطفال) Empty
مُساهمةموضوع: رد: مسرحية أرنوب الحبوب (مسرحية أطفال)   مسرحية أرنوب الحبوب (مسرحية أطفال) Empty27/9/2009, 12:08 am

مسرحية أرنوب الحبوب (مسرحية أطفال) 36207_1179154506مسرحية أرنوب الحبوب (مسرحية أطفال) 36207_1179154361
الرجوع الى أعلى الصفحة اذهب الى الأسفل
هند الحضرى

هند الحضرى


عدد المساهمات : 146
نقاط : 444
السٌّمعَة : 0
تاريخ التسجيل : 15/06/2010
العمر : 26

مسرحية أرنوب الحبوب (مسرحية أطفال) Empty
مُساهمةموضوع: رد: مسرحية أرنوب الحبوب (مسرحية أطفال)   مسرحية أرنوب الحبوب (مسرحية أطفال) Empty5/8/2011, 5:28 pm

بجد المسرحيه تحفه وجميله جدا شكرااااااا كتير على هذا الموضوع الرائع cat
الرجوع الى أعلى الصفحة اذهب الى الأسفل
yoyo




عدد المساهمات : 5
نقاط : 5
السٌّمعَة : 0
تاريخ التسجيل : 25/07/2011

مسرحية أرنوب الحبوب (مسرحية أطفال) Empty
مُساهمةموضوع: رد: مسرحية أرنوب الحبوب (مسرحية أطفال)   مسرحية أرنوب الحبوب (مسرحية أطفال) Empty10/8/2011, 9:43 pm

مسرحيه جميله وشكرا farao
الرجوع الى أعلى الصفحة اذهب الى الأسفل
 
مسرحية أرنوب الحبوب (مسرحية أطفال)
الرجوع الى أعلى الصفحة 
صفحة 1 من اصل 1
 مواضيع مماثلة
-
» صور أطفال حلوة قوى.........
» مسرحية لآلئ السماء
»  مسرحية طموح جارية

صلاحيات هذا المنتدى:لاتستطيع الرد على المواضيع في هذا المنتدى
منتديات مدرسة الزرقا الإعدادية بنات :: أنشطة مدرسية :: المسرح المدرسى-
انتقل الى: