كيف يفكرمدرس صاحب ضمير علمى
أولا الدروس الخصوصية ليست هي الجريمة ولكن الجريمة هي غياب الضمير أثناء الشرح في المدرسة والا فليس هناك مدرس يضرب التلاميد على ايديهم ليأخذو عنده درس خصوصي وان فعل فليس هناك اي مانع اننا نسيبه وناخد عند حد تاني بكل بساطة
ثانيا انا شايف وبرضه من وجهة نظري ان مدرسين دلوقتي اكفأ واحسن من زمان بكتير جدا بدليل ان اللي بيتعينو دلوقتي اقل حاجه جيد جدا ده غير ان بيمرو بامتحان كادر و i.c.d.l وغيرها من التعقيدات التي لا يتحملها الا الأكفاء
ثالثا والاهم بقى اللي انا شايفة من تجربة عملية ان الطلاب دلوقتي غير زمان بالمرة زمان طبعا كانو افضل وكل مدى بتسوء العملية ( الا من رحم ربي وقليل ماهم ) زمان كان في اهتمام تحمل للمسئولية حرص على رفع رأس الوالدين احترام للمعلم على عكس دلوقتي خالص وانا اقول ذلك من تجربتي العملية كمدرس مش قديم قوي ومش جديد قوي وكنت طالب من فترة مش كبيرة وانا دلوقتي زميل لمدرسين كانو بيدرسو لي وانا في الاعدادي لكن من احترامي لهم طالبا خلتهم دلوقتي على لما يندهولي يقولولي استاذ احمد ومازال علاقة الاحترام متبادلة من ايام ما كنت طالب
رابعا انا كمدرس مقتنع تماما اني ما ينفعش ادي درس لحد انا بديله في الفصل بأي حال من الاحوال وبكده ابقى برأت نفسي من قلة الضمير في الشرح في الفصل لانه مفيش مبرر اني ما اجتهدش
خامسا دور اولياء الأمور مهم جدا في هذا الموضوع لانه اصبح وللاسف مباهاه دلوقتي ان ولي الامر يقول انا بدي ولادي دروس في كل المواد الحمد لله مش مخليهم محتاجين لحاجه وده قمة الغلط
يعني خلاصة القول ان مسئولية التربية والتعليم يجب أن توزع على ولي الامر - المدرسة - المدرس - المناهج الدراسية - الطالب
وليس هناك أولوليه في الترتيب بين هذه العناصر وانما العلاقة بينهم دائرية بمعنى ان كل جزء فيهم بيتأثر بالباقي وبيأثر فيه