منتدى يخدم الطالبات والمجتمع المحلى |
المواضيع الأخيرة | » خطة التطوير وضمان الجودة فى مجال المتعلم خلال العام الدراسى 2014 /20158/12/2014, 7:18 am من طرف مصطفى يونس» خطة التطوير وضمان الجودة فى مجال توكيد الجودة والمسالة خلال العام الدراسى 2014 /20158/12/2014, 7:15 am من طرف مصطفى يونس» خطة التطوير وضمان الجودة فى مجال المشاركة المجتمعية خلال العام الدراسى 2014 /20158/12/2014, 7:12 am من طرف مصطفى يونس» خطة التطوير وضمان الجودة فى مجال الموارد البشرية والماديو خلال العام الدراسى 2014 /20158/12/2014, 7:08 am من طرف مصطفى يونس» نظرة شاملة لفاعلية المؤسسة للعام الدراسى 2014/20158/12/2014, 7:04 am من طرف مصطفى يونس» السياق المؤسسى خلال العام الدراسى 2014/20158/12/2014, 7:00 am من طرف مصطفى يونس» نقاط القوة والضعف فى مجال الفاعلية التعليمية 8/12/2014, 6:42 am من طرف مصطفى يونس» نتائج التقييم الذاتى فى مجال المناخ خلال العام الدراسى 2014/20158/12/2014, 6:36 am من طرف مصطفى يونس» نتائج التقييم الذاتى فى مجال المنهج خلال العام الدراسى 2014/20158/12/2014, 6:29 am من طرف مصطفى يونس» نتائج التقييم الذاتى فى مجال المعلم خلال العام الدراسى 2014/20157/12/2014, 11:18 pm من طرف مصطفى يونس» نتائج التقييم الذاتى فى مجال االمتعلم خلال العام الدراسى 2014/20157/12/2014, 2:32 pm من طرف مصطفى يونس» مقترحات لخطط ضمان الجودة للعام الدرسى 2014/20157/12/2014, 2:27 pm من طرف مصطفى يونس» نقاط القوة والضعف فى مجال القدرة المؤسسية7/12/2014, 7:24 am من طرف مصطفى يونس» نتائج التقييم الذاتى فى مجال ضمان الجودة والمسالة خلال العام الدراسى 2014/20157/12/2014, 7:15 am من طرف مصطفى يونس» نتائج التقييم الذاتى فى مجال المشاركة المجتمعية خلال العام الدراسى 2014/20157/12/2014, 7:11 am من طرف مصطفى يونس» نتائج التقييم الذاتى فى مجال الموارد البشرية والمادية خلال العام الدراسى 2014/20157/12/2014, 7:06 am من طرف مصطفى يونس» نتائج التقييم الذاتى فى مجال القيادة والحوكمة خلال العام الدراسى 2014/20157/12/2014, 7:02 am من طرف مصطفى يونس» نتائج التقييم الذاتى فى مجال الرؤية الرسالة خلال العام الدراسى 2014/20157/12/2014, 6:58 am من طرف مصطفى يونس» أدوات جمع البيانات خلال العام الدراسى 2015/20147/12/2014, 6:55 am من طرف مصطفى يونس» خطة دراسة التقييم الذاتى للعام الدراسى 2014/20157/12/2014, 6:48 am من طرف مصطفى يونس |
أفضل 10 أعضاء في هذا المنتدى | |
عدد زوار المنتدى | .: عدد زوار المنتدى :. |
رؤية المدرسة |
رؤيتنا إعداد طالبات متفوقات علميا يتسمن بالانتماء والوعى الدينى والصحى ومواكبة التطور فى ظل المشاركة المجتمعية
|
رسالة المدرسة |
رسالة المدرسة : تسعى مدرستنا إلى :- التسلح بالعلم والاستفادة من التكنولوجيا الحديثة – تنمية روح التنافس للوصول إلى التميز – تأصيل روح المواطنة والانتماء – غرس الوازع الدينى والأخلاقى – توعية الطالبات صحيا وبدنيا – تنمية مهارات العمل الجماعى واتخاذ القرار - ربط المدرسة بالبيئة المحيطة والمجتمع
|
ميثاق شرف الطالبات |
ميثاق شرف الطالبات : - أحرص أن أكون طالبة بمدرسه الزرقا الإعدادية بنات على نيل حقى فى تلقى تعليم جيد متميز ورعاية متكاملة وان أتمتع بممارسه الأنشطة المدرسية وذلك مقابل أداء ما على من واجبات تجاه مدرستى وان أحترم نظم المدرسة وقواعد السلوك القويم والتمسك بالأخلاق والقيم النبيلة
ونتعهد نحن طالبات مدرسه الزرقا الإعدادية بنات بالآتى:
• الالتزام بالأخلاقيات والسلوكيات.
• الالتزام بقوانين الإدارة المدرسية .
• الالتزام بأداء الواجبات داخل الفصل المدرسى.
• الحرص على الحضور فى الميعاد يوميا بانتظام للمدرسة.
• متابعه المدرسين داخل الفصل فى كل ما يوصون أو يقومون به والحرص الدائم على التفوق.
• الالتزام بدفع المصروفات الدراسية ومساعده الزميلات الغير قادرات.
• الحرص على تحقيق المشاركة الفعالة والأداء المتميز.
• الالتزام بآداب الحديث مع السادة المدرسين والإدارة المدرسية.
• الاهتمام بإحضار الأدوات المدرسية وبخاصة الكتب المدرسية.
• المشاركة فى جميع الأنشطة المدرسية والحرص على التفوق فيها.
• المساهمة فى حضور المسابقات التى تعقد داخل أو خارج المدرسة.
• الحرص التام على نظافة المدرسة والمحافظة على ما تم انجازه داخلها.
• المشاركة فى مجموعات التقوية داخل المدرسة من اجل الارتفاع بالمستوى الدراسى.
• الحرص على عقد الندوات فى التوعية المجتمعية والدينية والصحية .
• الالتزام بالتقويم الذاتى من اجل النهوض بالمستوى وتحسينه.
|
| | مسرحية المعلم عكوة الجزار | |
| | كاتب الموضوع | رسالة |
---|
مصطفى يونس Admin
عدد المساهمات : 1695 نقاط : 3318 السٌّمعَة : 19 تاريخ التسجيل : 06/05/2009 العمر : 48 الموقع : bnatelzarka.yoo7.com
| موضوع: مسرحية المعلم عكوة الجزار 23/3/2010, 9:44 pm | |
|
مسرحية ((المعلم عكوة)) ولتحيل العمل المسرحى فى المرفقات
الشخصيات : 1- عكوة الجزار 2- الزوجة (نفيسة) 3- الأم العجوز 4- الابنة (موزة ) 5- الابنة (ماسورة) 6- المعلمة 7- صبى الجزار (الواد شغتة) لتحميل العمل المسرحى فى المرفقات
[b]المشهد الأول
ماسورة : كان فى واحدة ست عندها 12بنت قالولها يا ماما عايزين نأكل توت ...
قالولها يا ماما عايزين نأكل توت
موزة : قالولها اية أنت مش عارفة تلعبى يا فالحة
ماسورة : مين دة ... انتى اللى مش عارفه تلعبى يا به
موزة : يا سلام ..... ازاى بقة
ماسورة : اه افتكرت ان احنا فى الشتا والتوت لسه مطلعش ...... وقالولها يا ماما عايزين ناااكل عنب
موزة : يا سلام يعنى العنب بيطلع فى الشتا
ماسورة : انا عارفة ...... آه اليومين دول ممكن تصدقى اى حاجة وبعدين يعنى هو فى حاجة بعيدة عن ربنا ... احنا فى زمن النت والموبايل والدونلود والأبلوود
موزة : لاء بس ..... الحقى الواد (شغتة) اللى شغال عند ابوك جاى هناك اهه باين ابوك ضربه
ماسورة : وفيها ايه يعنى..... دة حتى الواد ده لو منضربش يزعل قوى ... اصل ابوكى ما شاء الله مفترى ... انتى نسيتى عمل ايه فى ماما امبارح علشان كحت وهو بياكل
موزة : ولا أول أمبارح ضربها بكوباية الشاى فى وشها علشان لقى الشاى خفيف
ماسورة : قال يعنى التفل هيرضع ..... ههههه يالة نخش جوة احسن يشوفنا بنلعب يرزعنا علقة زى كل يوم
موزة : يالة نستخبى جوة ................. ( يخرجوا من على المسرح )
- المرفقات
- مسرحية المعلم عكوة الجزار.doc
- لا تتوفر على صلاحيات كافية لتحميل هذه المرفقات.
- (68 Ko) عدد مرات التنزيل 3
عدل سابقا من قبل مصطفى يونس في 26/3/2010, 10:22 pm عدل 1 مرات | |
| | | مصطفى يونس Admin
عدد المساهمات : 1695 نقاط : 3318 السٌّمعَة : 19 تاريخ التسجيل : 06/05/2009 العمر : 48 الموقع : bnatelzarka.yoo7.com
| موضوع: رد: مسرحية المعلم عكوة الجزار 23/3/2010, 9:54 pm | |
| المشهد الثانى الصبى (شغتة): يالى هنا .... يالى هنا ..... يالى هنا ..... هو مفيش حد هنا ولا ايه ... هم راحوا فين بس الجدة : مين .. مين ( تقف أمام الصبى وهى لا تراه ) الصبى (شغتة) : يالى هنا الجدة : الله يالى هناكشغتة : يا ست الجدة : يا ابنى انت فينشغتة : يا ستى ردى بأة المعلم هيضربنى الجدة : عايز اية يا وله شغتة : المعلم بيقولك حضرى الأكل علشان جاى الجدة : وبتعلى صوتك ليه ....هو إنا عميا... خلاص .روح يا وله............ يا ما جاب الغراب لأمه ايه ده .. ايه الكلام اللى انا بقوله ده ... أنا أقول الكلام ده برده منك لله يا عكوة ...... أنت السبب خلتنى اتكلم زيك .. أنا مقدرش استحمل اكتر من كده .. يا رب .. يا رب .. اعمل حاجة تغير ابنى .. وتهديه .. وترجعه لعقله .... وكفاية اللى بيعمله فيا وفى مراته... أنت تقدر يا رب ... تقدر يا رب ( تخرج من الغرفة )**** المشهد الثالث عكوة : انتو يالى هنا ..... انتو يا بنى ادمين ... يا نفيسة نفيسة : ايوة .... ايوة يا معلم عكوة : انتى كنتى فين يا ولية .... عمال اندة عليكى نايمة على ودانك ولا ايه نفيسة : انا اسفة يا معلم ... أص .. أصلى كنت قاعدة جوة مع البنات عكوة : بت ايه يا اختى ( قاعدة مع البنات ) آآآه ... سايبة اللى وراكى واللى قدامك وقاعدة مع البنات.. آآآه منتو بتكلوا فى اته محلولة .. مش فى اللى بيأكلكم ... اااااه من حقكم تعملوا أكتر من كدة نفيسة : واحنا عملنا اية بس انا كنت قاعدة مع البنات بذاكر لهمعكوة : هه هه هه بتذاكروا ... طبعا قاعدين بتدعوا عليا .. امال اية ماشى ... ماشى يا ست نفيسة هنشوف الموضوع ده بعدين نفيسة : لية حسبتها كدة ... احنا هندعى عليك ليه بس .......... احنا كنا بندعى لك عكوة : بتدعو لى .. آآآه .. اجننت أنا ماشى .. ماشى يا ست نفيسة اما وريتك شايفة الجلبية اللى انا لبسها دى نفيسة : أيوة شايفها .. ما لها يا معلم عكوة : كويس قوى ولما انتى بتشوفى كدة ... ايه اللى قطع الجيب ده نفيسة : مش عارفة يمكن فار قرض الجيب عكوة : فار قرض الجيب.. انا بيتى يبقى فيه فار ... ماشى إما وريتك ... اسمعلى بأة .. انا رايح الدكان وجاى لو لقيت جنس فار فى الشقة هوريكى شغلك ( يخرج من على المسرح ) المشهد الرابع نفيسة (تجلس وهى تبكى وتقول) :أعمل ايه ياربى .. أنا عملت ايه فى دنياتى علشان كل كده .. انا خلاص زهقت الجدة : معلش معلش يا بنتى بكرة ربنا هيهديه ...... أنا عارفة إن أنتى مستحملاه علشان البنات ..... أصله ما يطأش ابنى وانا عارفه.نفيسة : مين قال كده بس ....... أنا مبسوطة من اللى بيعمله فيا .. يعنى هو بيعمل فيا حاجة .. أنا متأكدة إن ربنا هيرجعه تانى لينا وهيغيره الجدة : أنا مش عارفة أقول لك إيه يا بنتى .. ربنا إن شاء الله يهديه لك ويرجعه لعقله .نفيسة : مش دى المشكلة .... المشكلة إنه جاى كمان شوية وحالف لو لقى فار فى الشقة هيضربنى .. وجايز يطردنى من الشقة ويرمينى أنا وبناتى فى الشارع .مش عارفة أعمل ايه .الجدة : ودى مشكلة بردة خدى اللحمة دى وقطعيها حتت وحطى فيها سم للفار وبكده تموت الفران .نفيسة : بجد أنا متشكرة قوى يا أمى .الجدة : أمى .. بتقولى يا أمى بعد كل اللى بيعملوا فيكى ربنا يحميكى يا بنتى ... ( تخرج ) | |
| | | مصطفى يونس Admin
عدد المساهمات : 1695 نقاط : 3318 السٌّمعَة : 19 تاريخ التسجيل : 06/05/2009 العمر : 48 الموقع : bnatelzarka.yoo7.com
| موضوع: رد: مسرحية المعلم عكوة الجزار 24/3/2010, 5:46 pm | |
| المشهد الخامس نفيسة : يا بنات .. يا موزة .. يا ماسورة .. يا بت انت وهى تعالوا أنا عاوزكم ماسورة : أيوة يا ماما نفيسة : أنا قلت إيه ماسورة : نسيت .. نعم يا ماما موزة : نعم يا ماما نفيسة : عاوزكم تخدوا اللحمة دى تسلقوها على النار موزة : بس احنا عندنا الأكل كتير يا ماما .. واحنا خلاص طبخنا النهارده .نفيسة : إنا عارفة ... دى مش لينا ماسورة : ايه للناس اللى فوقينا ؟ موزة : هه هه هه هه .نفيسة : لاء ... اسمعى الكلام من غير ما تتكلمى ماسورة : حاضر يا ماما ... فين الكبريت يا بت يا موزة موزة : ( صامتة ) ماسورة : يا موزة انت يا به( بصوت مرتفع )موزة : ايه مش ماما قالت متتكلمشى يوووووه. المشهد السادس عكوة : (صوت من الخارج) : يا نفيسة ... انتى يا ولية .. أنتى فين .. انتى فين انت غرقتى ولا ايه ماسورة : دا يابا انا داخلة جوة .......... (تخرج ) نفيسة : خشوا جوة يا بنات ومهما حصل محدش يخرج من المطبخ عكوة : يدخل وتدخل المعلمة بتاعت البنات"ايوة يا ستى قولتلى انتى ايه بقى المعلمة : انا حضرتك .. ال ميس بتاعت بناتك .. وجايه علشان ...عكوة : ( يقاطعها ) الميس يعنى ايه الـ ميييس.المعلمة : لاء حضرتك .. الـ ميس يعنى معلمة عكوة : اة ......... معلمة يعنى زى كده المعلمة : لاء انا مش معلمة .. أنا الأستاذة بتاعت بناتك فى المدرسة نفيسة : ايوة يا معلم الأستاذة بتاعت البنات فى المدرسة هى المسئولة عن ماسورة وموزة فى المدرسة .. اللى بتعلمهم ازاى يعرفو يقرءوا ويكتبوا وبتحفظوهم كلام ربنا .المعلمة : بالظبط كدة وانا جاية النهارده علشان هما بقلهم كتير مجوش المدرسة .عكوة : بقى الحكاية كدة ...اسمعى بقى يا مييس البنات مش هتيجى المدرسة ومفيش عندى تعليم للبنات .. أنا حر مش عاوز أعلم بناتى.المعلمة : ليه حضرتك يعنى حد يبعد ولادة عن المدرسة وعن التعليم عكوة : انا بقى بمنعهم المعلمة : ممكن حضرتك أعرف السبب عكوة : أنا هقول لك السبب وأنا عارف أنك هتقتنعى بكلامى بصى بقى يا مييس البنات يا ستى علشان يروحوا المدرسة بياخدوا منى جنيه للتكتوك لحد المدرسة .. وبعدين ياخدو جنيه ... لاء اتنين جنيه يديه لأنبوبة مع انى مش عارف مين أنبوبة ده وياخد منهم اتنين جنيه ليه كل يوم لية مش عارف .... بس ياستى علشان كدة انا بطلت اوديهم المدرسة المعلمة : بس أنت لازم تعرف انك كدة غلطان وبتحرم بناتك من أهم حاجة فى حياتهم وهو التعليم بعد إذنك ..(وتخرج المعلمة) عكوة: إذنك معاكى يا اختى يا بـــــــــــــــــــأى بــــــــــــــــــاى نفيسة :ليه كدة بس يا معلم عكوة عكوة: اخرسى يا ولية إنا هعرف امشيكو على العجين متلغبطوشنفيسة :انا بس مش عرفة هتاخد ايه يعنى لما تمنع البنات من المدرسة عكوة: اخرسى يا وليه انتى هتتكلمى معاى .. امشى انجرى اعملى الأكل أنا جعـــــــــــــااااااان . | |
| | | مصطفى يونس Admin
عدد المساهمات : 1695 نقاط : 3318 السٌّمعَة : 19 تاريخ التسجيل : 06/05/2009 العمر : 48 الموقع : bnatelzarka.yoo7.com
| موضوع: رد: مسرحية المعلم عكوة الجزار 24/3/2010, 6:06 pm | |
|
المشهد السابع (نفيسة تخرج لتحضير الأكل)
عكوة: ( ينظر تحت الكرسى ) اة دة طبق لحمة .. آآه يا مهملة .. وبتقولى دخلة أحضر الأكل .. وهيا محضراه تحت الكرسى ... لما أدوق علشان لو مش مملح .. أبقى أضربها .
(يتذوق الأكل ) الله .... أحلى مرة اكل فيها لحمة .. برافوا عليكى يا مراتى شكلى كده هشكرها ولا اية
نفيسة : اة دة انت كلت منين
عكوة: ايه يا ولية مالك .. كلت من دة
نفيسة : كلت من اللحمة دى
عكوة : آه . أنتى شكلك كده كنتى منمرة عليها ولا ايه
نفيسة : لاء بس أنت مش حاسس بحاجة
عكوة : لاء لية
نفيسة : أصل اللحمة دى أنا حطيت فيها سم الفران ...علشان ..علشان انت قلتلى ... انك لو جيت ولقيت فار فى الشقة هتضربنى .... قمت حطيت اللحمة دى ......... وحطيت فيها سم
عكوة : سم . آآآآآه ... آآآآآآآآه .... هموووووووت .... هموووووووت .. هموت يا نفيسة .... بس قبل مموت عاوز اقولك ..... إن أنا آسف على اللى عملته فيكى ... بس مش أنا السبب ......
أبويا السبب هو اللى قالى اعمل كده علشان ابقى راجل لكن انتى استحملتينى .... واستحملتى كل اللى عملتة فيكى ...... سامحينى أنا آسف... ابقى خلى بالك من البنات .. ووديهم المدرسة وادى للبنات اتنين جنيه علشان الواد أنبوبة بتاع الكنتين وهو والواد أبو قصة علشان ميزعولش منا .
نفيسة: يا بنات الحقوا.... الحقوا ..... الحقوا ابوووكم
البنات (ماسورة و موزة) : اية فى اية يا ماما اية اللى حصل
نفيسة : ابوكم ..
ماسورة : ما له
نفيسة : ابوكم كل اللحمة اللى فيها سم فران
موزة : اللحمة اللى كانت فى الطبق اللى تحت الكرسى
نفيسة : ايوة اجرى بسرعة هاتى دكتور او اتصل بالإسعاف يا بت يا ماسورة .
ماسورة : ليه هى اللحمة كانت ثمينة ولا اية .
نفيسة : هو انتى مش حطيتى السم فى اللحمة زى مقلتلك
ماسورة : بصراحة بقى يا ماما موزة وقعت السم على الأرض وحطت مكانه فلفل أسود .. ومقلناش لك علشان متزعليش
نفيسة : يعنى اللحمة مفيهاش سم
ماسورة : ايوة فيها فلفل اسود .... هه هه ههه
نفيسة : عكوة .. عكوة .. قوم اللحمة مفيهاش حاجة خالص انت سليم
نفيسة : انا سليم ... انا ممتش ... انا صاحى ... اشكرك يا رب ... انا كنت ممكن اموت بس ربنا اد ليا فرصة جديدة علشان افكر تانى واراجع نفسى .. انا اسف اسف ليكم كلكم .. انا خلاص اتغيرت ... سامحينى يا أمى أنا ياما آسيت عليكى .... بس من هنا ورايح خلاص مش هزعل حد فيكم ..... وانتى يا نفيسة انتى فــــــــعـــلا أم مـــــــــثالــــيــة
| |
| | | menna elmghraby
عدد المساهمات : 260 نقاط : 498 السٌّمعَة : 2 تاريخ التسجيل : 14/06/2010 العمر : 27
| موضوع: رد: مسرحية المعلم عكوة الجزار 20/6/2010, 5:30 pm | |
| بجد مسرحية تضحك مووووووووووت | |
| | | salwa
عدد المساهمات : 69 نقاط : 134 السٌّمعَة : 1 تاريخ التسجيل : 12/06/2010
| | | | نبيلة محمد ابراهيم
عدد المساهمات : 2 نقاط : 2 السٌّمعَة : 0 تاريخ التسجيل : 27/10/2010
| موضوع: رد: مسرحية المعلم عكوة الجزار 2/6/2011, 6:43 pm | |
| شكراً جزيلاً على هذا الجهد الرائع ، كم أستفيد من موضوعاتك الجميلة | |
| | | | مسرحية المعلم عكوة الجزار | |
|
مواضيع مماثلة | |
|
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
|