ممكن تفضل طول الصيف تتفرج على التليفزيون وتقعد على النت وتعمل شات وتنام 12 ساعة في اليوم وتقلب ليلك نهارك ونهارك ليلك والدنيا تبقى متلخبطة خالص وصدقني عن تجربة هتبقى مضايق وزهقان طول الوقت
ليه بقه ما نستغلش الجازة ونعمل حاجة عدلة في حياتنا ممكن نبدأ الاجازة بالجملة دي عايز اقرب من ربنا وبعدين تنفذ تصلي كل صلاة في اول الوقت وجماعة
تقول الاذكار دايما وتدعي ربنا على طول و تحفظ قران وتقرأ تفسير وتعرف احاديث ويا سلام بقه لو صليت قيام ليل اولا مش هتضطري تدفعي فلوس كتير على كريمات التفتيح لان وشك هينور وهتلاقي نفسك مبسوطة لانك قريبة من ربنا
وبعدين نروح عند امكانيات حضرتك اللي حاطتها على الرف لغاية ما هتموت وتنتهي حاول تنميها حاول تعرضها على حد عشان يقول رأيه فيها ممكن تشتغل او تروح تدريب او تاخد قرصات
اما بالنسبة للبنات فالخير وفير ممكن تتعلم خياطة او تطريز او طبيخ او حتى تشتغل لو عايزة بس اهم حاجة الرياضة ( ان لبدنك عليك حقا )
وبعد كل ده من حقك في شوية ترفيه بس من غير معصية
ممكن تاخد الاجازة فرصة عشان تقرب من اهللك
ولازم تقرأ في الأجازة
اهم حاجة تعرف ازاي تقتل وقت فراغك
مستنية اقتراحتكم