د/آلاء ناصف Admin
![د/آلاء ناصف](https://2img.net/u/1313/44/76/75/avatars/15-83.gif)
عدد المساهمات : 1170 نقاط : 2886 السٌّمعَة : 2 تاريخ التسجيل : 18/06/2009 العمر : 30 الموقع : http://emamnasef.ahlamontada.net
![أم الشباب Empty](https://2img.net/i/empty.gif) | موضوع: أم الشباب 15/7/2010, 8:37 pm | |
| أم الشباب
يا مرحبا باللي لفا و يسمع قصيدي و الخطاب
يا مرحبا و الله و انا من كل قلبي اشكره
ما ودي العب بالشعر ،، و لا ودي تاليها خراب
ولا اقول بني شاعره او حتى قولي ثرثره
اسمع قصيدي و بعدها فكر و احسم لي الجواب
و عن زلت الساني ترى اطلبك و ارجو المعذره
كل اهتمامي بالشعر معشوقتي ام الشباب
هي ديرتي و الله ولجلها كل عمري لنثره
زايد سقاها امن العطا ،، زايد تحداها الصعاب
زايد اللي قال كلمه مدونه في دفتره
باتحادي قوتي مثل الاسد له الف ناب
و التفرقى ضعف و دروب الضعف كلها جرجره
اسمع من اقواله شعر كله حكم كله صواب
و قال العلم مثل الدرع يحمي الوطن ملبعثره
بادر بجهودك و لا تقلد مفاهيم السراب
و عطني زراعه و اوعدك اعطيك حضاره مبهره
يا دولتي يا دولتي ياما تعديتي السحاب
و لو كل ارضن تمتلك في يوم ذرة مقدره
كانت تمنت ديرتي تصبح لها صرح و حجاب
كانت تمنت ديرتي صوت و لسان و حنجره
و من عقب روحت شيخنا و اقلوبنا في اكتئاب
مثل الزجاج اللي انرجم بحجار و بعده كسره
وان غبت يا زايد ترى في قلوبنا ليوم الحساب
و نطلب من الله فكل ساعه العفو لك و المغفره
و ان غبت يا زايد ترى خلفك رجالن بل ذياب
و كل واحد هيبته تخيف العدو و تحقره
وهذي بلادي تزينت كنها عروسن ما تهاب
في عز حاكمها الخلف ،، هذا خليفه احذره
ورثه ابوه امن العدل و الحكمه له مليون باب
و ان جيت للرحمه ترى بقلبه رياضن مزهره
هذا خليفه عزوتي افداه بارواح و رقاب
وان حتى جاه امن العدو شي ٍ قليلن لنحره
لابوه و لابو هالعدو ،، لخلي بيته في خراب
وبسوق رمحي فخاصرت هذا العدو و آدمره
و هذا ولي العهد محمد في قصيدي له حساب
راقب حضوره بين قلبي كيف فارض سيطره
ودي ازيد امن الشعر و اخاف تاليه خراب
و البيت ياللي في قصيدي للضروره آكرره
وان غبت يا زايد ترى في قلوبنا ليوم الحساب
و نطلب من الله فكل ساعه العفو لك و المغفره | |
|