كتير جدا بنعيش حلم ونقعد نفكر فيه
ونحلم بالحلم نفسه
اذا كان يا ترى ممكن يتحقق ولا مش ممكن
ساعات كتير بنحلم احلام ونعيشها فى خيالنا
كل انسان اعتقد انه بيعمل كده
ويقعد يرمى على حلمه مميزات ممكن ماحدش يفهمها غيره
كان يحب حلمه لدرجه انه يسميه حب مستحيل
فى كتاب حول العالم فى 200 يوم للكاتب الكبير انيس منصور
تحليل شبه منطقى للحلم
لما وصفه بانه
مجرد امنيه بتتمناها النفس
وبيصدقها القلب
وبيعمل على تحقيقها العقل
الحلم
كثير مننا بيحسو الحلم هو لحظاتهم السعيده فى الدنيا
ومش عارفة ليه دايما بتكون اللحظات السعيده
مجرد لحظات
شىء ينتهى باقصى سرعه
ودون ان تتوقع
الحلم
ساعات كتير بيشدنا لواقع لا تعرفه الا قلوبنا
وتنكره عقولنا اشد الانكار
كانك تحس مثلا انك سامع صوت البحر
من كتر اشتياقك ليه
وفى لحظه انتباهك تلاقى انك فى بيتك
قاعد على نفس الكرسى فى نفس الاوضه
مجرد حلم
اتمنته نفسك فى لحظه
وساعدها قلبك باشتياقه لانه يشوف البحر
والعقل ضحك على حاسه السمع وخلاها راحت للى نفسك اتمنته
وليه دايما
كل حلم بنحلمه
بنصحى منه فى لحظات
ليه كل حاجه حلوه عمرها قصير
ليه كل شىء فى عيونا .... دايما بيتغير
؟ممكن اسأل سؤالين
؟هل الحلم مجرد لحظات مسروقه وفرار من الواقع الى دنيا نتمناها
؟لماذا ينتهى الحلم سريعا وباسرع مما نتخيل